De plattdüütsche Siet vun'n de Gemeen Hatten

Gunda Backhus

Moin eerst maal, ik will mi irst maal koort vorstellen. Ik heet Gunda Backhus und bin in de Gemeen Hatten vör dat plattdüütsche toständig. Met plattdüütsch bin ik groot wurn. As ick in de School keem, kun ick blos plattdüütsch. Bi us in Huus wur ok blos plattdüütsch snackt. Und dat is vondaage noch so. De plattdüütsche Spraak weer lange Johre nich mehr "in". De letzten Johre het sik ober veel dohn. In use Schoolen gift dat woller plattdüütsche Theoter AG`s, in de Bökereen, und ok hier in Raathus, sind veele plattdüütsche Böker to kriegen und de Lääswettstriets.

 

Ok in de Seniorenhüüser freut se sik wenn man platt met ehr snakt. Alle ach Weeken hebt wi usen plattdüütschen Klönschnack. Snakt mi eenfach an und fraagt wann de nächste Nomdach is.

Hartliche Gröte

Gunda Backhus, Plattdeutschbeauftrage Hatten

Telefon 04482-352

Dat Hatter Böker Schapp

Plattdeutsche Bücher

In`n Hatter Raathus hebt wi dat Hatter Böker Schapp. Dat steiht in`n 1. Stock. Dor kann man eenfach een Book rutnehmen, tohuus dörlesen und denn eenfach woller henbringen.

Dor sind veele nee Böker, Kinnerböker und CD`s, over ock Böker de von Lü spendet sind. Kiekt eenfach maal is to.

Plattdt. Buch Randolfs Traum

Plattdüütsche Böker kort vorgestellt:

Hier sünd twee Böker de ock watt för de Nichtplattdüütschen sind. Dat eene Book heet " Randolf sien Droom". Dat is nämlich op Plattdüütsch und op Hochdüütsch schreven. Dreiht man dat Book op da anner Siet heet de Överschrift " Randolf sein Traum". Dat is eene Geschichte von eene Kreih de von Helgoland no Sansibar fleegen will und dor de eene und annere Geschichte beleeven deiht. Dit Book is ook wunnerbor vor Kinner. 

Plattdt. Buch Emily un dat Meer

Dat annere Book heet " Emily un dat Meer". Dat is ook een Book in Plattdüütsch und in Hochdüütsch schreeven, over hier steiht beides up eene Siet. Emily socht dat Meer. Dat is nämlich weg. Wo se dat Water woller finnen deiht, kann man in dat Book nolesen. Ock dit Book is wunnerbor for Kinnner to vorlesen.

buchtitel_sthrwoldt

In`n Hatter Bökerschapp heft wi ok dree Böker von Mathias Stührwoldt:

  • Dat meiste geiht doch vörbi
  • Vun Vadder un mi
  • Schnack vernünfti mit mi ...

In sien Böker schriv he schöne korde Geschichten de man fein vorlesen kann. He vertellt in sien Böker wi he upwussen is, ut sien Ollernhus, siene egene Familie, ut sien Leben. Wenn man de Geschichten so vorlest, krich man dat grienen oft nich ut`n Gesicht. In`n een Book vertellt he mehr vun sien Vadder und de Landwirtschaft, dat annere Book mehr vun siene egene Familie oder in`n dritten över Themen de wichtig (oder ok nich) sünd.

buchtitel_vergtminich

Hier hebt wi een Book met denn Titel " Vergäätminich", Plattdüütsche Lyrik ut dat Ollnborger  Land. Hier sind plattdüütsche Verse, Gedichte und sogor de Psalm 23 von verschiedenen Autoren rinschreven. Man schall ruhig maal dit Book luut sik sülbens vorlesen, wie schön dat is Gedichte oder Rieme op Plattdüütsch to lesen.

Plattdeutschbeauftragte

Gunda Backhus

Plattdeutschbeauftrage der Gemeinde Hatten

Tel.: (04482) 352